Mamp

MAMP: Tistlaria y aredamënt intern tla Val Badia - Südtirol

La tistlaria MAMP a Pidrô tla Val Badia é sinonim de tradiziun südtiroleja y inovaziun. Dilan al'esperiënza de bëgn 40 agn él gnü a se le dé chësta combinaziun de suzes: na conescënza sota dl mistier adöm cun n svilup tecnologich y de modernisaziun. Al é propi la esperiënza, la pasciun y la prezijiun tl ciafé fora soluziuns creatives y l'adoranza de materiai naturai de pröma cualité, che á fat fora de chësta aziënda de familia n punt de referimënt te so ciamp, nia ma tla Val Badia, mo ince foradecá.

Nosta forza é nosc team de colaboradus. Nüsc tistleri cualificá é spezialisá sön la produziun de mebli sön mosöra, che ne sides nia ma moderns y funzionai, mo ince bi por l'edl. I ogec de design por l'aredamënt firmá MAMP nasc dales idees y dai debojëgns di cliënc, che i acompagnun tresfora cun competënza y cun na consulënza personala.

Aredamënt intern por hotei y ostaries

Le Südtirol é conesciü por le lauré sö le lëgn y por la tradiziun sterscia tl setur dla hotelaria. Avisa chisc é i aspec che nes stá ince a nos dër a cör. I tröc agn de esperiënza á fat de nosta aziënda le partner ideal por la realisaziun y la produziun de aredamënc eleganc, lussuriusc y moderns por hotei, ostaries y restoranc. I pitun mebli fac sön mosöra, de plü poscibilités de realisaziun y soluziuns completes y rovades por la surandada. I orun valorisé y ti dé forma ai ambiënc de osta strotöra, ciaran da alzé fora le carater y la identité che toca por ëi.

Aredamënt por la ciasa

Alzé fora la personalité de n ambiënt é öna dles desfides a chëra che i ti jun pormez cun gran pasciun. I laorun fora mebli y aredamënc personalisá por osta ciasa, aladô de osc stil y de ostes preferënzes. Dilan a nosta consulënza gnarál a se le dé l'abitaziun che i ves ëis dagnora imaginé: dala ciamena da na atmosfera plajora, ala ciasadafüch fata sön mosöra, che descëda osta creativité y ispiraziun por rové ala stüa da n design original.